Nangangamba si Allan na magkasakit ang kanyang buntis na asawa at dalawang taong gulang na anak dahil sa maruming tubig-baha sa kanilang lugar. 

Isa ang pamilya ni Ernest sa mga  nakaligtas mula sa pinsalang dulot ng   malakas na lindol na tumama sa   kanilang pamayanan.

Ipinasara ni Sec. Fajardo ang isang pabrika dahil pinapadaan nito sa ilog ang kemikal na kanilang ginagamit sa paggawa ng kanilang produkto. 

Nakipagpulong si Mayor Basco sa mga kinatawan ng bawat barangay ng kanilang munisipalidad upang magkaroon sila ng sapat na kaalaman sa panahon ng kalamidad.

Palaging nakikinig ng balita ang pamilya nina Luis sa radyo tuwing may darating na bagyo upang maging handa sila sa banta ng panganib ng pagtaas ng tubig at pagbaha.

Nagpapasalamat ang nanay ni Eddie na naipagawa na nila ang  kanilang bahay dahil nanatili itong nakatayo at buo nang dumaan ang malakas na bagyong Yollie.

Ikinalungkot ng buong sambayanan ang naiwang pinsala sa buhay at ari-arian dulot ng giyera sa Marawi, Mindanao.

Ang Barangay Tumana, lalo na yaong mga nasa mismong tabi ng ilog, ay palagiang lumilikas tuwing mayroong malakas na bagyo at matagalang pag-ulan.

Ang Pilipinas ay nakararanas ng mga kalamidad tulad ng bagyo, baha, lindol, tsunami at pagputok ng mga bulkan dahil na rin sa heograpikal nitong kinaroroonan.

Ang mga matatandang edad 60 pataas at mga batang 12 pababa ay ang pangkat ng populasyon na hindi pinapayagang lumabas ng bahay at pumasok sa mga malls at matataong lugar dahil sila ang may mataas na posibilidad na matinding tatamaan ng Covid-19.