Ipinadala ng guro ang Liham Patawag para sa magulang kay Jian dahil sa mababang markang nakuha nito. Takot na takot si Jian dahil alam niyang mapapagalitan siya kaya’t kinausap niya ang kanilang kapitbahay na magpanggap bilang kanyang magulang.

Alam ng buong pamilya ang pagkahilig ni Ken sa online gaming. Minsan ay nahuli siya ng kanyang nanay na naglalaro kasama ang kanyang pinsan. Sa ganitong sitwasyon ay pinangaralan siya na disiplinahin ang sarili sa ganitong uri ng laro subalit nangatwiran ito na hindi niya ito hilig bagkus ay napapasama lamang siya.

Dahil sa inggit sa isang kamag-anak na palaging nagbibiyahe, ipinamalita ni Tessa sa kanilang buong angkan na lubog na ito sa utang gayung wala itong katotohanan.

Nagkayayaan ang magkakamag-aral sina Francis, Keir, at Al na pumunta sa bahay ng kanilang kaibigang si Gwen. Dahil sa matagal na hindi nagpangitaang mga ito ay napahaba ang kanilang kuwentuhan at inabot sila ng gabi. Sa sitwasyong ito ay balisa si Al dahil hindi siya nakapagpaalam sa kanyang mahigpit na magulang. Dagli niyang kinausap si Francis na magsinungaling na kaya sila ginabi ay dahil sa paggawa ng proyekto. Agad namang pumayag si Francis dahil ayaw niyang mapagalitan ito ng kanyang magulang.

Nagulat si Rosa sa takot na takot at umiiyak na dumating nilang kapitbahay at nakiusap ito na itago siya dahil hinahabol siya ng nagwawala nitong asawa at sinabing huwag ipapaalam sa huli ang kanyang kinaroroonan. Kaagad namang pumayag si Rosa upang mapangalagaan ang kaligtasan nito.

Kahit anong pilit ni Mira sa kanyang bunsong kapatid na sabihin kung sino ang nakapanakit dito ay hindi ito nagsasalita.

Nagpaalam si Enzo na pupunta siya sa kanyang kaklase upang gumawa ng proyekto subalit ang hindi niya sinabi na pupunta siya sa isa sa mga kaibigan na pinapalayuan ng magulang niya sa kanya dahil sa malimit itong masangkot sagulo

Tinanong ni Mang Caloy ang anak niyang si Irma kung nangopya ito sa pagsusulit. Subalit ang sagot ni Irma ay nagpahiwatig kay Mang Caloy namag-isip ng posibilidad.

Malimit dumalaw si Luis sa kanyang pinsang si Adelfa. Nasaksihan nito ang hindi patas na pagtingin ng magulang kay Adelfa kung kaya’t hindi maiwasang magtanong ang kanyang pinsan kung masama ang loob niya sa mga ito. Sa ganitong sitwasyon, binago ni Adelfa ang usapin upang hindi nito malaman ang kanyang totoong saloobin.

Tinanong ng guro si Rafa kung totoo ang balitang nakarating dito na siya ang punong-saksi sa pangongopya ng kanyang kaklase noong nakaraang pagsusulit. Sa haba ng kanilang pag-uusap ay tikom ang bibig nito at ayaw magsalita.