FILIPINO 2- Module

Basahin ang kuwento at sagutin ang mga tanong.

Matalino si Jose Rizal. Siya ay masipag, matulungin at maabilidad. Isa rin siyang matapang na tao. Hindi siya natakot nang isulat niya ang kasamaan ng mga Espanyol. Isinulat niya sa loob ng madilim na kulungan ang tulang “Huling Paalam”. Sinabi niya rito ang kanyang kalungkutan dahil sa hindi pagiging malaya ng kanyang bayan. Ating ipinagdiriwang ang kanyang kaarawan tuwing sasapit ang ika-19 ng Hunyo. Ang kanyang pagiging martir maging ang kanyang kabayanihan ay ginugunita rin sa lahat ng dako ng Pilipinas tuwing ika-30 ng buwan ng Disyembre.

Ano-ano ang katangian ni Jose Rizal?

Paano niya ipinakita ang kanyang katapangan?

Saan niya isinulat ang “Huling Paalam” ?

Bilang isang bata, paano mo tutularan si Jose Rizal?

Ang kuwentong inyong binasa ay walang pamagat. Ano kaya ang pinakaangkop na pamagat sa kuwentong inyong binasa?

Basahin ang kuwento at piliin ang angkop na pamagat.

Maaga pa lamang ay gising na si Andrew. Ngayon kasi ang kanyang ikapitong kaarawan. Binati siya ng kanyang tatay, nanay, ate, at kuya. Pagkatapos manood ng misa ay pinagsaluhan nila ang isang simpleng almusal at kasabay nito at ang pag-ihip niya ng kandila sa keyk.

Ale! Mama! Bata! Bili na po kayo ng puto at kutsinta. Masarap ito. Bagong luto. Walang pagod sa pagtawag si Ella. Ganyan siya araw-araw. Ganyan siya araw at gabi. Palagi niyang sunong ang isang bilao na natatakpan ng dahon ng saging. Bili na kayo! Puto…Kutsinta…Bili na kayo!

Pangarap kong mabigyan ang aking kaibigan ng bagong tsinelas. Nais ko siyang mapaligaya sa kanyang kaarawan. Pero, kulang pa ang aking naiipong pera. Hayun sa eskaparate ang tsinelas kong bibilhin para kay Arturo. Maganda at mukhang napakatibay. Alam kong magugustuhan niya iyon. Sana maubos ang tinda kong sampagita ngayon. Sana ay maraming bumili ng samapagita para madagdagan ang ipon ko. Sana ang tsinelas na iyon ay maibigay ko sa aking kaibigan.

Araw-araw ay naglalaba si Inay. Naglalaba siya ng damit ng kahit na sinong may gustong magpalaba sa kanya. Kahit pagod na ay hindi siya makatigil. Iyon lamang kasi ang alam niyang paraan para kumita ng pera. Mahal ko si Inay. Kaya kapag nakikita ko siyang pagod ay naluluha ako.

Maganda ang balahibo ni Maxx. Mahaba ang kanyang buntot. Mabilog at makislap ang kanyang mga mata. Ang kanyang mga tainga ay malalaki at halos ay tumabing na sa kanyang mga mata. Pinakamatapang si Maxx sa aking mga alaga.