A. Basahin at unawain ang bawat pangungusap. Itayp ang iyong sagot kung TAMA O MALI ang isinasaad nito. ( 1-5 ) 1. Marapat na tangkilikin ang pelikulang Pilipino kaysa sa banyagang pelikula.

2. Mahirap matukoy ang mga tauhan at tagpuan sa pinanood na pelikula.

3. Mailalarawan agad ng mga manonood ang pinangyarihan ng kuwento sa pinapanood.

4. Ang pelikulang nakilala rin bilang sine at pinilakang tabing ay isang larangan na sinasakop ang mga gumagalaw na larawan bilang isang anyo ng sining o bilang bahagi ng industriya ng libangan.

5. Maaaring panoorin ng mga bata ang lahat ng pelikulang pinapalabas.

B. Basahin ang kuwento nang may pag-unawa. Pagkatapos, sagutin ang mga tanong sa ibaba. Piliin lamang ang pinakawastong sagot. Si Jam at ang Kaniyang Alagang Aso ni J.M. Sa lugar ng Malvar, may isang batang ang pangalan ay Jam. Lagi niyang kasama ang paboritong aso na si Whitie. Masayahin siyang bata. Kasama palagi ang aso kahit sa pagtulog. Bago pumasok, pinakpakain at pinaliliguan niya ito. Sinisiguradong maayos ang lahat. Pag-uwi niya ng bahay, agad na sumasalubong ito sa kaniya. Binuhat niya ito at saka papasok sa loob ng bahay. Isang umaga, paggising ni Jam laking gulat niya nang wala si Whitie sa kaniyang tabi. Tinanong niya ang magulang kung nakita nila ito. Hinanap nila sa loob ng bahay pati sa may labasan. Nagtanong-tanong sila sa kapitbahay pero wala pa rin si Whitie. Dumaan ang araw, subalit di pa rin nakikita ang kaniyang alagang aso. Naging malulungkutin na at walang ganang kumain si Jam. Nang biglang narinig ang kahol ng isang aso. Hinanap niya agad kung saan galing ang kahol at laking tuwa niya dahil sa wakas nakita rin niya ang mahal niyang aso. Bumalik na si Whitie. Tanong: 1. Tungkol saan ang kuwentong binasa?

2. Sino-sino ang mga pangunahing tauhan?

3. Saan ginanap ang pangyayari sa tekstong binasa?

4. Ilarawan ang pangunahing tauhan ayon sa kwentong binasa ?

5. Anong aral ang napulot mo mula sa kuwento?