TAGSIBOL

 ni: Adelwisa P. Mendoza

      Luha’y pumatak

      Lupang tigang nagalak

      Pag-asa ay sumibol

      Ibon ay humalakhak

Ano ang pakahulugan ng pahayag na “Pag-asa ay sumibol” batay sa iyong pagkakaunawa sa paggamit nito sa tulang binasa?

Anong tayutay ang ginamit sa taludtod na “ang ibon ay humalakhak”?

Mahalaga ang papel mo sa lipunang iyong kinabibilangan. Ano ang kahulugan ng salitang may salungguhit batay sa paggamit sa pangungusap.

“Kaya’t huwag mo akong tanungin tungkol sa pagtanaw ng utang na loob. Kainin mo na ang taong iyan” wika ng baka. Ano ang damdamin ng nagsasalita batay sa kanyang diyalogo?

Ang puso ko ay ______________ at walang pagsidlan ng kaligayahan sa pagdating ng munting anghel sa aming buhay. Anong angkop na salita ang dapat gamitin upang mailahad ang pinakamataas na antas ng damdamin ng nagsasalita?

"Ang unang kalagayan noong nakalipas na 50taon, ang babae sa Taiwan ay tulad ng kasambahay o housekeeper. Ang tanging tungkulin nila ay tapusin ang hindi mahahalagang gawaing bahay na hindi natapos ng kanilang asawa. Ang mga babae ay walang karapatang magdesisyon dahil sa kanilang mababang kalagayan sa tahanan."

Batay sa binasang pahayag, Anong kultura sa bansang Taiwan ukol sa mga kababaihan ang lutang sa pahayag?

Anong sistemang panlipunan ang umiiral sa kultura ng mga Taiwanese batay sa isinasaad ng pahayag sa bilang 6?

_____________ang proyektong inilunsad ng pamahalaan upang matugunan ang hamon ng pandemya. Anong panandang pangsang ayon ang wastong gamitin?

Patuloy na bumababa ang bilis ng hawaan ng covid-19 sa rehiyon ng NCR ito ay _______________  Octa Research group nitong nagdaang dalawang lingo batay sa mga nakalap nilang mga datos. Anong pananda ang wastong gamitin upang mabuo ang pahayag?

____________ ang pagbabakuna ay isang mabisang paraan upang makaiwas sa malubhang epekto ng sakit na covid-19. Kaya naman kahapon ay nakapagpabooster shot na ako. Anong pananda ang wastong gamitin upang mabuo ang pahayag?

Dahil hindi makapagpasya ang kuneho kung dapat ba o di dapat kainin ng tigre ang tao _____________ minabuti na lamang niya na bumallik ang mga ito sa pinagmulan ng lahat. Anong angkop na pang-ugnay ang dapat gamitin?

Nabago na unti unti ng bansang Taiwan ang kanilang kultura ukol sa mga kababaihan _____________ ay sinikap nilang mabigyan ng Karapatan at kilalanin ang kakayahan ng mga kababaihan sa kanilang lipunan. Anong angkop na pang-ugnay ang dapat gamitin?

___________ nakasalalay pa rin sa pagsunod ng mga mamamayan ang ikatatagumpay ng anumang programa ng pamahalaan upang mawakasan ang pandemya. Anong angkop na pang-ugnay ang dapat gamitin?

Huwag na lang kaya akong tumuloy na magtrabaho sa ibang bansa? Anong damdamin ang ipinahihiwatig ng pahayag?

Napakahusay ng mga naunang kalahok, parang hindi  ko sila kayang tapatan. Anong damdamin ang ipinahihiwatig ng pahayag?

Totoo kaya na wala sa puso ng mga Pilipino ang pagiging makabansa? Anong damdamin ang ipnahihiwatig ng pahayag?

Dahil sa pandemya dalawang taon ng hindi nakakapasok ang mga mag-aaral sa paaralan. Anong damdamin ang ipnahihiwatig ng pahayag?

Hindi na ako makapaghintay sa pagsapit ng pasko. Anong damdamin ang ipnahihiwatig ng pahayag?

Ang paghihintay sa paghinog ng prutas ay gaya ng pagbubuntis may takdang araw. Ano ang pinaghambing      sa pahayag?

 Ikaw ay hulog ng langit sa akin, salamat at natulungan mo ko sa aking mga problema. Ano ang kahulugan ng salitang may salungguhit?

Pinaniniwalaan ng batang banga na hulma galing sa lupa ay nilikha silang pantay- pantay ng Diyos. Ano ang kahulugan ng salitang may salungguhit?

 Katas ng pagtatrabaho araw-araw ng aking mga magulang ang mga bagay na mayroon ako. Ano ang angkop na kahulugan ng salitang may salungguhit?

At sinabi ng ama” Ika’y binabato sapagkat ika’y hitik sa bunga, kaya’t magpakatatag ka at magpatuloy sa buhay”. Ano ang pahiwatig ng pahayag?

Pinatigas ng mga di magandang pangyayari sa buhay ang kanyang puso, tila naging bato na ito at wala ng pakiramdam. Anong salita ang magkakasingkahulugan sa pangungusap.

Nakatira sila sa isang maliit na kubo, kasama niya ang kanyang Lolo at Lola, pito silang magkakapatid. Ang kaniyang ina ay isang labandera at ang ama naman niya ay isang karpintero. Ngayon ay mas masaya sila sapagkat may dagdag sa kanilang pamilya mayroong bagong kapatid ang kanyang dalawang pamangkin sa kanyang nakatatandang kapatid na lalaki na kasama nila sa bahay. Sa kabuuan ay labing-apat silang nakatira sa lumang bahay ng kanyang lolo at lola. Mahirap ang kanilang buhay ngunit masaya silang sama-sama. Anong kulturang Pilipino ang ipinakikita ng sitwasyon.