Kailangan ang lahat ng isusulat mo dito ay ispisipiko at malinaw. Kung kaya’t mahalagang ikaw ay magnilay-nilay upang makita mo ang nais mong tahakin sa ano mang aspeto.

Kailangan na magbigay ka ng takdang panahon o oras kung kailan mo maisasakatuparan ang iyong isinulat.

Nasusukat mo ba ang iyong kakayahan? Kailangang ang isusulat mo sa iyong personal na pahayag ng misyon ay kaya mong gawin at isakatuparan.

Ito ba ay angkop para makatugon sa pangangailangan ng iyong kapwa? Isa ito sa kinakailangan mong tingnan at suriin. Dito ay kailangang ituon mo ang iyong isip na ang buhay ay kailangang ibahagi sa iba.

Kailangang itanong mo sa iyong sarili na ang personal na pahayag ng misyon ko ba sa buhay ay makatotohanan? Ito ba ay kaya kong abutin o kaya ko ba itong gawin? Ito ba ay mapanghamon?