Pagbibigay ng Wakas

1. Naghanda ng pagkain sa hapag-kainan ang mag-ina habang hinihintay ang lutong inihaw ng mag-ama. Gumawa rin ng sawsawan si Aling Bering para sa inihaw na baboy at bangus.

2. Papauwi ang magkaibigang Marissa at Aleli nang biglang umabon. Wala silang masilungan sa kanilang daraanan habang papalakas nang papalakas ang patak ng ulan.

3. Dumalaw ang magkaibigang Anton at Patrick sa bahay ng kanilang kaklase. Habang kumakatok ang magkaibigan biglang tumahol nang malakas ang alagang aso ni Gil. Laking gulat ng magkaibigan ng makitang nakakawala ang asong alaga ni Gil. Tumakbo ang aso papalapit sa kanila ng biglang dambahin at kagatin ang nadapang si Anton. Nagulat si Gng. Santiago nang makita ang pangyayari.. Dali-dali niyang pinuntahan si Anton habang namimilipit sa sakit ng kagat ng aso. Pumara ng traysikel si Gng. Santiago.

4. Patuloy ang padala sa GC ni Gng Mendoza kay Tonton ng paalala sa mga kulang niyang pagsasanay sa Math. Pinagsabihan si Tonton na huling warning na ang ibibigay sa kanya at kung hindi niya ipapasa ang mga sinagutang pagsasanay ay hindi siya makakapasa sa asignatura. May nalalabi pa siyang mga araw bago dumating ang huling pasahan. Gabi-gabi ay inisa-isa niyang sagutan ang mga pagsasanay na hindi naipasa.

5. Dahil sa larong ML palaging nag-aaway ang magkapatid na Khyme at Gracielle, Nag-uunahan sila sa paggamit ng kompyuter. Kahit sa kanilang pag-uwi galing sa eskwela Pinagsabihan sila ng kanilang ina at pinaalalahan kung kailan dapat gamitin ang kompyuter.

6. Anak mahirap ang napakasipag na si Yban. Tuwing umaga ay nagrarasyon siya ng pandesal at pagkatapos ay naglalako ng gulay sa paligid ng kanilang tirahan. Agad-agad na nauubos ang kanyang paninda.. Sa kabila ng kanyang kahirapan, nagsumikap siyang makapagtapos ng kanyang pag-aaral kaya naman natanggap agad siya sa kumpanyang kanyang inaplayan. Nakita ang kanyang katalinuhan, kasipagan at kagalingan sa trabaho.

7. Napakabilis ng pagkalat ng sakit na Covid-19 sa lungsod. Agad na nagpulong ang mayor kasama ang mga kapitan ng barangay. Pinagsabihan ang mga mamamayan sa bawat barangay na magsuot ng mask, face shield at distansya sa mga kausap. Di sila nag-aksaya ng panahon upang ipaalam sa kanilang nasasakupan ang mga nararapat gawin.

8. Tuwing umaga nakasanayan na ni Bentong ang pag-inom ng malamig na softdrinks. Kahit walang laman ang kanyang sikmura. Pagkaraan ng dalawang buwan ay nakaramdam siya ng pagsakit ng kanyang sikmura. Namilipit siya sa sakit at nagpadala sa doktor.

9. Sinabihan ng guro ang seksyon Mapagnilay na tapusin ang kanilang mga pagsasanay. Hindi masagutan ni Achie ang mga tanong sa pagsasanay dahil hindi niya maunawaan at hindi alam ang gagawin. Dumating si Gng. Sanggo na kanilang guro subalit hindi pa rin natatapos si Achie.

10.Magkakaroon ng online class si Ariel bukas at siya ang inatasang mag-uulat. Maghapon siyang nasa harap ng kompyuter at naglalaro ng iba’t ibang games. Hindi niya namamalayan ay inabot na siya ng madaling araw kakalaro. Kinaumagahan habang nasa online class si Ariel ay tinawag siya ng kanyang guro upang simulan ang kanyang pag-uulat.