Nais mo nang tapusin ang pagsagot sa mga gawain sa iyong modyul, ngunit nahihirapan ka sa mga ibang gawain kaya nais mong magpatulong sa iyong Nanay na abala sa pagluluto. Kaya, ang sabi niya ay gawin mo muna ang makakaya mo at tutulungan ka pagkatapos. Ano ang dapat mong gawin?

Nais tumulong ang iyong magulang sa mga kapus sa pangangailangan sa pamamagitan ng pagbibigay ng face mask sa mga pamilyang nasasakupan ng iyong barangay. Ngunit para sa iyo mas nakabubuti kung pera na lang ang ibibigay. May dahilan naman ang magulang kung bakit face mask ang ibibigay. Ano ang dapat mong gawin?

Tinipon kayo ng inyong Tatay at Nanay upang planuhin ang paghahanda sa darating nilang Anibersaryo ng kasal. Bawat isa ay may suhestiyon kung paano ipagdiwang ito. Ikaw naman, gusto mo ay sa isang magarbong restawran para bongga, ngunit para sa iyong magulang, hindi ganoon kalaki ang kanilang badyet. Ano ang dapat mong gawin?