Ang Pilipinas ay isang kapuluan. Ito ay binubuo ng humigit kumulang na 7,107 malalaki at maliliit na mga pulo. Tinatayang 2,773 sa mga pulong ito ang may mga pangalan na at 450 lamang ang maaaring tirahan.

May iba’t-ibang klima sa daigdig. Sa lugar na hindi halos maabot ng sikat ng araw, ang klima ay malamig. Nababalutan ng yelo ang ganitong lugar. Tropikal ang klima sa bansang nakakatanggap ng tuwid na sikat ng araw. Katamtaman naman ang klima sa bahagi na nakakatanggap ng pahilis na sikat ng araw.

Sa ating kapaligiran nanggagaling ang ating mga pangngailangan tulad ng pagkain, tirahan at damit. Batay rin sa uri ng kapaligiran ang uri ng ating hanapbuhay. Malaki ang pakinabang natin sa biyaya ng kapaligiran. Tunay na maraming biyaya ang ating kapaligiran.

Mahalaga ang edukasyon. Isa itong kayamanang maipapamana ng mga magulang sa kanilang mga anak. Hindi ito mawawala o mauubos tulad ng ibang yaman.

Pinagyaman ng mga Ifugao ang kanilang kabundukan. Binungkal nila ang gilid nito. Nakalikha sila ng makikitid na taniman sa paligid ng bundok. Parang hagdan patungo sa langit ang makikitid na taniman. Tinataniman nila ito ng palay. Ang hagdan-hagdang palayan ng mga Ifugao ay isang kahanga-kahangang tanawin.