Ang pag-unlad ng isang bansa ay kailangan ng sama-samang pagkilos, bawat-isa ay may gampanin o tungkulin.

Ang ________ ay pinagsama-samang puhunan ng mga kasapi o miyembro upang magtayo ng negosyo.

Tamang pagbabayad ng buwis

- Ang tamang pagbabayad ng buwis ay makatutulong upang magkaroon ng pondo ang pamahalaan para magamit sa serbisyong panlipunan tulad ng libreng edukasyon, programang pangkalusugan at iba pa.

Bumuo o sumali sa kooperatiba 

- Ang pagsali sa kooperatiba ay isang paraan upang matulungan sa pangkabuhayan ang mga miyembro o kasapi nito. Ang kooperatiba ay pinagsama-samang puhunan ng mga kasapi o miyembro upang magtayo ng negosyo. Sa negosyo ang makikinabang at tatangkilik ay ang mga kasapi. Ang bawat kasapi ay makatatanggap ng dibidendo o hati sa kita batay sa bahagi sa kooperatiba. Ang namamahala sa kooperatiba ay kasapi din naniniwala sa sama-samang pag-unlad.

Makialam

- Matutong labanan ang mali. Ang paglaban sa korapsyon maliit man o malaki sa lahat ng aspekto ng lipunan at pamamahala ay mahalaga upang matamo ang kaunlaran. Mahalaga na itaguyod ang pagiging tapat. Ang mamamayang ay hindi dapat manahimik o di pagsasawalang-kibo sa mga maling nagaganap sa loob ng bahay, sa komunidad, sa paaralan, pamahalaan at sa trabaho.

Pakikilahok sa pamamahala ng bansa.

- Aktibo sa pamamahala ng barangay, gobyernong lokal, at pambansang pamahalaan ay mahalaga upang maisulong ang mga layunin at pangangailangan ng mga Pilipino ay kailangan gawain ng bawat mamamayan upang umunlad ang bansa.

Pagtangkilik sa mga produktong Pilipino.

- Dapat natin tangkilikin ang produktong Pilipino upang umunlad ang bansa. Tuwing tinatangkilik natin ang dayuhan produkto ang yaman ng bansa ay apektado.

Pagnenegosyo

- Hindi dapat manatili ang manggagawa lamang ang Pilipino. Dapat matututo na magnegosyo upang mapalago ang kabuhayan.

Tamang Pagboto.

- Mahalaga na pag-aralan at suriin ang mga programang pangkaunlaran ng mga kandidato bago pumili ng iboboto. Mahalaga na masuri ang isyung pangkaunlaran ng ating bansa upang masuri kung sinong kandidato ang may malalim na kaalaman sa mga ito.

Pagpapatupad at pakikilahok sa mga proyekto pangkaunlaran sa komunidad.

- Ang pamahalaan at mamamayan ay mahalagang magkasama sa pagkilos para sa kaunlaran ng bansa. Hindi magaganap ang pag-unlad kung pamahalaan lamang ang kikilos. Mahalaga rin ang pagkilos ng mamamayan sa pagbuo at pagpapatupad ng mga programang pangkaunlaran. Manguna at magpakita ng malasakit sa ating komunidad upang makabuo at makapagpatupad ng mga proyektong magpapaunlad sa ating komunidad.

Tamang pagbabayad ng buwis upang magkaroon ng pondo ang pamahalaan at magamit sa serbsiyong panlipunan.

Makiisa at labanan ang korapsyon sa pamahalaan maliit man o malaki sa lahat ng aspekto ng lipunan at pamamahala.

Sinikap ni Maria na magkaroon ng isang maliit na tindahan upang magkaroon ng dagdag kita.

Pagtangkilik ng sariling produkto ng bansang Pilipinas.

Tamang pagpili sa mga kandidato na may malalim na malasakit sa bansa sa isyung pangkaunlaran.