UNANG LAGUMANG PAGSUSULIT SA ESP 4

Inamin ni Jonathan na siya ang nakabali ng ruler ng kanyang ate kahit alam niyang hindi na siya pahihiramin nito. (Masayang mukha kung ito ay nagsasabi ng katotohanan anuman ang maging bunga at malungkot na mukha naman kung hindi)

Sinabihan ni Sabino ang kanyang nakababatang kapatid na huwag isumbong sa kanilang nanay na napunit niya ang kurtina upang hindi sila mapalo nito.

Hinayaan mo lang na mapalo ng iyong nanay ang iyong kapatid dahil ito ang napagkamalang kumuha ng pera sa kanyang pitaka.

Nakita mong itinulak ni Joel si Jay kaya nahulog ito sa kanyang kinatatayuan pero dahil ayaw mong madamay ay hinayaan mo na lamang ito.

Sinabi mo sa iyong tatay ang nawawala mong baon kahit alam mong pagagalitan ka niya dahil iyon ang totoo.

Ipinapaalam ko agad ang totoong pangyayari upang mabigyang solusyon ang problema kahit alam kong magagalit sila sa akin. (Tama kung ang pangungusap ay nagsasabi ng katotohanan anuman ang maging bunga nito at mali naman kung hindi)

Sinasabi ko agad sa aking mga kaibigan ang aking kasalanan upang hindi sila madamay.

Sinisigurado kong pawang katotohanan lamang ang aking sasabihin kung ako ay tinatanong upang alamin ang totoo.

Lagi kong tatandaan na mas mabuting magsinungaling kaysa mapagalitan at mapalo.

Tatakpan ko ang kasalanang nagawa ng aking kapatid upang hindi siya mapalo ni nanay.

Naipaliliwanag ko nang maayos at may kompletong detalye ang balita ukol sa bagyo. (TSEK kung tumutugon sa mapanuring pag-iisip batay sa balitang napakinggan sa radyo o nabasa sa pahayagan at EKIS kung hindi ito nabigyan ng mapanuring pag-iisip)

Binabasa at pinaniniwalaan ko ang mga balita kahit ito ay fake news.

Naikokompara ko ang tama at mali sa aking nabasa sa pahayagan.

Naiisa-isa ko ang mga tuntunin sa pakikinig ng radyo.

Naisasagawa ko ang sunod-sunod na pamantayan sa pagbabasa ng balita.