Nakakita ng punong mangga ang magkaibigan habang naglalakad. Naisipan nilang kumuha nito dahil gustong – gusto nila ang mangga. Ano sa palagay mo ang gagawin nila?

Wala kang baon. Gutom na gutom ka. Nakita mong nakakalat ang wallet ng kaklase mo. Kinuha mo ang pera niya. Alam mong mali ito at maaari kang mapahiya. Ano ang gagawin mo?

Dinalaw ninyong mag-anak ang lola ninyong maysakit kaya hindi mo nagawa ang iyong takdang-aralin. Tinanong ka ng iyong guro bakit wala kang takdang- aralin. Ano ang sasabihin mo?

Uwian na. Niyaya ka ng iyong kamag-aral na maglaro sa computer shop malapit sa kanilang bahay. Hapon na ng ikaw ay nakauwi. Alam mong magagalit ang iyong nanay. Ano ang gagawin mo?

May proyekto ka sa EsP tungkol sa pagre-recycle ng mga patapong bagay. Kailangang ikaw mismo ang gagawa. Sa kagustuhan mong mataas ang iyong marka ay bumili ka na ng yari. Tinanong ka ng iyong guro kung gawa mo ba ito. Ano ang isasagot mo?

Ang batang matapat ay pinagpapala at kinalulugdan ng lahat.

Ang pagwawalang kibo ng pagsasabi ng totoo sa nagawang kasalanan ay paraan upang protektahan ang sarili kahit pa makapinsala ng iba.

Ang anumang uri ng pagsisinungaling ay kalaban ng katotohanan at katapatan.

Ang hindi pagsasabi ng totoo at panloloko ng kapwa ay parang bisyo na paulit- ulit na ginagawa.

Bago maglagay ng kahit anong impormasyon sa facebook o anumang social media kailangan muna nang may masusing pag-isip at may katapatan sa sinasabi.