Tuwingsasapit ang pasko, bawat miyembro ng pamilya ni Nery ay nagsasama-sama upang magdiwang. Dito ay nagkakaroon sila ng bonding, nagbibigayan ng regalo, at nagsasaya ang buong pamilya. Anong pagpapahalaga ang ipinakikita ng pamilya?

Ano ang pundasyon ng sarili at kalauna'y isang matatag na lipunan?

Sino ang nagsabi na "kung gusto mo ng kapayapaan, go home and love your family"?

Dahil sa ating mga magulang, narito tayo sa mundo. Namumuhay kasama ang mahal natin sa buhay. Anong implikasyon ang ipinakikita para sa mga magulang?

Siya ang nagsabi na, "Ang bunga ng tamang pagpapasiya ay tagumpay, pag-unlad, at kaligayahan sa buhay."

Saan makikita sa Saligang Batas ang nakasaad ba, "Pamilya ang pundasyon ng lipunan. Mahalagang magampanan ng pamilya ang kanilang misyon"?

Nahihirapan si Roberto dahil hindi niya mawari kung ano ang dapat niyang gawin sa buhay. Hindi niya makita kung ano ang dahilan kung bakit siya naririto sa mundo bilang isang Kristiyano. Ano ang indikasyon at nais ipakita ng pagninilay ni Roberto?

Si Aleng Marites ay naghahanap-buhay sa Larissa, Greece bilang isang kasambahay. Kapag wala na siyang gagawin sa trabaho, nakikipag-usap ito sa mga kaibigan niya sa Pilipinas sa pamamagitan ng video call sa messenger. Anong uri ng komunikasyon ang ipinakita sa situwasyon?

Hindi nag-uusap ang mag-ina na sina Mrs. Erly at ang panganay niyang anak na si Jayson sa kadahilanang hindi sumusunod si Jayson sa kaniyang ina, kaya siya ay pinagsabihan ngunit sumama ang loob ng kaniyang anak. Ano ang implikasyon nito at ang pangunahing kinakailangang gawin sa situwasyon?

Isang paraan ng komunikasyon o ugnayan ng buong klase sa bawat seksyon sa ika-walong baitang ang messenger group chat kung saan ipinadadala ng guro ang mga importanteng mensahe. Isang araw ay nagpadala ang guro ng mensahe patungkol sa grupo para sa malaking proyekto, at may isang estudyante ang tumugon at sinabing, "mayroon na kaming nakahandang listahan ng grupo, iyon ang susundin namin". Sa ganitong situwasyon, anong pagpapahalaga ang kinakailangang ipamalas ng guro at ng mag-aaral?

TAMA o MALI: Ang lipunan ay binubuo ng iisang nilalang na nagbibigay buhay sa sarili at kayang mabuhay ng walang ibang kaugnayan.

TAMA o MALI: Ang mabusog na pamayanan ay nag-uumpisa sa malusog at masayang pamilya.

TAMA o MALI: Isa sa dapat gawin upang mapagtagumpayan ang banta sa isang pamilya ay ang bukas na komunikasyon.

TAMA o MALI: Matapos ang mga gawain sa maghapon, maaari na lamang kumain ng mag-isa sa hapag kainan upang makapag-pahingan ng maaga habang ang ilan ay gumagawa ng gusto nilang gawin.

TAMA o MALI: Kailangan maging bayolente ng magulang paminsan upang sumunod at gawin ng mga anak ang nais ng magulang.

TAMA o MALI: Mahalagang ipakita mo ang totoong nararamdaman sa kausap mo kapag nalaman mo ang kaniyang saloobin.

TAMA o MALI: Sa pakikipag-usap, mahalaga ang iyong pokus sa impormasyon ng iyong kausap. Ingatan ang salitang bibitawan upang maging maayos at matiwasay ang daloy ng pag-uusap.

TAMA o MALI: Habang tumataas ang antas ng komunikasyon na ating ginagamit, mas lumalalim ang pakikipag-ugnayan na ating matatamo.

TAMA o MALI: Ang pagbibigay ng papuri ay pagpaparamdam ng totoong pagmamahal at suporta sa mga paniniwala ng bawat kasapi.