1. Nakita ni Kitty ang walang takip na plato ng pritong isda sa mesa. Mabait na pusa si Kitty. Pumikit siya at ibig makatulog. Naramdaman ni Kitty ang pagkagutom. Nilundag ni Kitty ang mesa na kinaroroonan ng tatlong piniritong tilapia. Ano kaya sa tingin ninyo ang ginawa ni Kitty?

2. Araw-araw ay tumutulong si Nory sa tindahan ni Aling Elena. Binibigyan si Nory ni Aling Elena ng P30.00 bawat araw. Iniipon ni Nory ang pera para sa kanyang pag-aaral. Hindi na niya ito ginagastos sa pagkain, pagkat doon na kina Aling Elena siya kumakain. Ano kaya ang nangyari kay Nory nang dumating ang enrolment?

3. Matagal nang hindi umuulan. Hinihintay-hintay ng mga magsasaka ang pagpatak ng ulan. Madalas ay namumuo ang maitim na ulap ngunit hindi pa rin pumatak ang hinihintay na ulan. Nang dalawin namin ang tumana, nalungkot ako sa aking nakita? Ano kaya ang kanyang nakita?

4. Nilinis nina Paolo, Mark at Vincent ang tiwangwang na bakuran. Ibig nila itong tamnan ng mga gulay. Nakita ito ng iba pang kabataan. Hiniling nila sa tatlo na tutulong sila sa paglilinis ng bakuran at sasama na rin silang magtatanim sa bakuran. Ano na kaya ang sumunod na nangyari?

5. Tinulungan ni Nestor ang isda. Nagulat si Nestor nang nagsalita ang isda. Iniutos nito kay Nestor na dukutin ang singsing sa kanyang bibig. Sinabi ng isda na maaaring humiling si Nestor ng anuman. Natuwa si Nestor kapalaran niya. Kahapon pa siya hindi kumakain. Naramdaman ngayon ni Nestor ang sakit ng tiyan niya. Ano kaya ang gagawin ni Nestor?